Velosipedçimiz Qazaxıstandan mükafatla qayıdır: Dördlükdə yer aldı
Qazaxıstanda şose velosipedi üzrə “Changan Race Almaty 2026” yarışı keçirilib.
TodayPress TV Azərbaycan Velosiped İdmanı Federasiyasına istinadən xəbər verir ki, Almatı turunda ölkəmizi şose velosipedi üzrə U-23 yığma komandasının üzvü Süleyman Ələkbərov təmsil edib.
Velosipedçimiz “Changan Race Almaty 2026” turnirində iki mərhələnin yekununa görə ümumi təsnifatda dördüncü pillədə qərarlaşıb. S.Ələkbərov uğurlu çıxışına görə yarışın “ən yaxşı gənc velosipedçisi” köynəyinə layiq görülüb.
Namiq HUN
FOTOLAR
