Dünya yeni bir müharibə xəbərinə oyanır: YAPONİYA Çinlə savaşa girməyə doğru

Yaponiya İkinci Dünya müharibəsindən sonra ən böyük strateji dəyişikliklərindən birini həyata keçirir. Çin, Şimali Koreya və Rusiyadan qaynaqlanan təhlükələrlə bağlı narahatlıqlar Tokionun təhlükəsizlik siyasətində ciddi dəyişikliklərə səbəb olur.

TodayPress TV xəbər verir ki, Yaponiya müdafiə xərclərini ümumi daxili məhsulun (ÜDM) 2 faizinə çatdırmağa, Çinin materik hissəsindəki hədəflərə çata bilən uzaqmənzilli “əks-zərbə” raketləri əldə etməyə, hava və raket hücumundan müdafiə sistemlərini gücləndirməyə, eləcə də möhkəmləndirilmiş sığınacaqlar və tunellər inşa etməyə hazırlaşır.

Lakin ən diqqətçəkən dəyişiklik nüvə çəkindirməsi ilə bağlı artan müzakirələrdir.

Yapon rəsmiləri və ekspertləri ölkənin Avropadakı ABŞ-nin nüvə paylaşımı modelinə bənzər razılaşmalar çərçivəsində ABŞ-nin nüvə silahlarının Yaponiya ərazisində yerləşdirilməsinə icazə verib-verməməsini getdikcə daha açıq şəkildə müzakirə edirlər.

Yaponiya hələ öz nüvə arsenalını yaratmaq barədə qərar qəbul etməyib. Lakin bu cür ideyaların artıq açıq şəkildə müzakirə olunması ölkənin onilliklər ərzində həyata keçirdiyi siyasətdən ciddi şəkildə uzaqlaşdığını göstərir.

Qiymət Mahir