Tesla sürmək doğrudan da sərfəlidirmi? Sahibi xərcləri açıqladı

ABŞ-nin Kaliforniya ştatında yaşayan bloqer Şelbi Çörç Tesla Model 3 elektromobilindən istifadənin enerji xərclərini açıqlayıb.

TodayPress TV xəbər verir ki, onun sözlərinə görə, avtomobili evdə adi elektrik şəbəkəsindən enerji ilə doldurmaq ay ərzində 700 mil (təxminən 1127 km) yürüş üçün 36,14 ABŞ dollarına başa gəlib. Supercharger sürətli doldurma məntəqəsində isə bir tam enerji doldurmanın qiyməti təxminən 12 dollar təşkil edib.

Çörç bildirib ki, Supercharger-də avtomobili enerji ilə doldurmaq benzinlə müqayisədə təxminən iki dəfə daha sərfəlidir. O, həmçinin üç ildir istifadə etdiyi Tesla Model 3-dən razı qaldığını və yaşayış yerində enerji doldurmaq imkanı olduğu müddətdə başqa avtomobil almağı düşünmədiyini qeyd edib.

Məlumata görə, Ukraynada isə son aylarda elektromobillərin enerji doldurma tarifləri artırılıb. Bununla belə, ev şəraitində avtomobili enerji ilə doldurmaq ictimai doldurma məntəqələrindən daha ucuz olaraq qalır.