Oğruların ilk yoxladığı yerlər: Açarınızı buralarda gizlətməyin!
Ehtiyat açarı evdən kənarda saxlamaq bəzən faydalı olsa da, yanlış yer seçimi mənzilin və ya evin təhlükəsizliyini riskə ata bilər.
TodayPress TV xəbər verir ki, bu barədə “Martha Stewart” nəşri yazıb.
Ev təhlükəsizliyi üzrə ekspertlər ehtiyat açarın bəzi yerlərdə gizlədilməsinin oğruların işini asanlaşdıra biləcəyini bildiriblər.
Mütəxəssislərin sözlərinə görə, ehtiyat açarı qapının altındakı xalçanın, poçt qutusunun, süni daşların, dibçəklərin və bağ dekorlarının altında saxlamaq olmaz. Bu yerlər oğruların ilk yoxladığı klassik gizlətmə məkanları hesab olunur.
Eyni zamanda açarı qapı çərçivəsinin üstündə, pəncərənin altında və ya küçədəki mebelin altında yapışqan lentlə gizlətmək də təhlükəsiz sayılmır.
Ekspertlər bildirirlər ki, bu cür yerlər asanlıqla müəyyən edilir və bəzi hallarda açarın orada olduğu dərhal nəzərə çarpa bilər.
Mütəxəssislərin tövsiyəsi isə ehtiyat açarın yalnız ailə üzvlərinə məlum olan, gözlənilməz və təhlükəsiz yerdə saxlanılmasıdır.
Kübra Musayeva
