Polşa və Latviya istiqamətində yük axını artacaq
Belarus Dövlət Gömrük Komitəsi Litva hökumətinin sərhədi bir ay müddətinə bağlamaq qərarından sonra Polşa və Latviya istiqamətində yük axınının artacağına hazır olduğunu bildirib.
TodayPress TV xəbər verir ki, Litva hakimiyyəti Belarusla avtomobil sərhədinin bağlanmasını 30 noyabra qədər uzadıb.
27 oktyabrdan qüvvədə olan qaydalara əsasən, “Şalçinininkay” keçid məntəqəsində hərəkət tamamilə dayandırılıb, “Medininkay” isə yalnız müəyyən kateqoriyalı şəxslər üçün açıqdır.
Belarus gömrüyünün məlumatına görə, 29 oktyabrda “Kamenniy Loq” keçid məntəqəsindən Litvaya cəmi iki yük maşını buraxılıb. Qurum hesab edir ki, bu vəziyyət Litva və Avropa İttifaqı biznesini Polşa və Latviya istiqamətlərinə yönəlməyə məcbur edəcək ki, bu da əlavə maliyyə və vaxt itkilərinə səbəb olacaq.
Qiymət Mahir
