Astronomlar “kosmik yarasa” kəşf etdilər
Avropa Cənub Rəsədxanasının (ESO) alimləri kosmosda uçan yarasaya bənzəyən nəhəng qaz və toz buludunun görüntüsünü yayımlayıblar.
TodayPress TV xəbər verir ki, bu qeyri-adi dumanlıq Yerdən təxminən 10 min işıq ili uzaqlıqda, iki bürc arasında yerləşir.
O, səmanın dörd tam aya bərabər hissəsini əhatə edir və yarasa qanadlarına bənzəyir.
Alimlərin sözlərinə görə, bu bölgə “ulduz fabriki” adlanır. Burada yeni ulduzlar doğulur. Gənc ulduzların yaydığı enerji ətrafdakı hidrogen atomlarının tünd qırmızı rəngdə parlamasına səbəb olur. Qaranlıq, sap şəklindəki hissələr isə sıx və soyuq qaz-toz buludlarından ibarətdir, onlar arxasındakı işığın görünməsinə mane olur.
Türkan İsgəndərli
