Eynar Hedeqartın biatlon böhranı: Yarışdan-yarışa təkrarlanan uğursuzluq!
Xizək sürüşməsi üzrə olimpiya çempionu Eynar Hedeqart Lyoqnada keçirilən yay biatlonu üzrə Norveç çempionatındakı çıxışını sərt şəkildə tənqid edib.
TodayPress TV xəbər verir ki, bu barədə “VG” nəşri məlumat yayıb.
24 yaşlı idmançı sprint yarışında 10 atışdan 3 dəfə fərqlənə bilməyib və ayaqüstü atış mövqeyində beş cəhdin hamısını boşa verib.
Kütləvi start yarışında isə o, 20 atışdan yalnız 12-sini dəqiq yerinə yetirib.
“Yarışlarda iştirak etdiyim hər dəfə eyni şey təkrar olunur, bu, tamamilə ümidsiz vəziyyətdir. Məşqlərdə bacardıqlarımın heç olmasa bir azını yarışda nümayiş etdirə bilməmək həddindən artıq məyusedicidir. Bu hal yarışdan-yarışa təkrarlanırsa, deməli, təsadüf deyil. Aydındır ki, haradasa ciddi bir səhv var”, - deyə Hedeqart bildirib.
Qeyd edək ki, olimpiya çempionu Hedeqart biatlona xizək yürüşündən keçib. Bir neçə həftə əvvəl o, Estoniyanın Otepya şəhərində keçirilən yay çempionatında uğurlu çıxışı ilə diqqət çəkmişdi.
Namiq HUN
