İsveçrə futbolunda peyvənd qalmaqalı: Qranit Caka millisindən qovuldu!
“Sanderlend” klubunun yarımmüdafiəçisi Qranit Caka UEFA Millətlər Liqasında İsveçrə yığmasının Şimali Makedoniya (26 sentyabr və 6 oktyabr), Şotlandiya (29 sentyabr) və Sloveniya (3 oktyabr) ilə keçirəcəyi matçlarda iştirak etməyəcək.
TodayPress TV xəbər verir ki, buna futbolçunun COVID-19 peyvənd sertifikatını saxtalaşdırdığını etiraf etməsi səbəb olub.
İsveçrə Futbol İttifaqının prezidenti məsələ ilə bağlı rəsmi bəyanatla çıxış edib.
“Dünən axşam Qranit Caka bizi vəziyyətlə bağlı məlumatlandırdı və bu barədə ictimaiyyətə açıqlama verərək məsuliyyəti üzərinə götürmək niyyətində olduğunu bildirdi. Biz Qranitin bu addımını və məsələni aydınlaşdırmaq istəyini müsbət qarşılayırıq. Eyni zamanda, komandanın maraqları naminə bu təlim-məşq toplanışını onsuz keçirmək barədə ortaq qərara gəldik.
İndi bizim üçün əsas məsələ vəziyyəti sabitləşdirmək, tam olaraq komandaya və Millətlər Liqasındakı qarşıda duran tapşırıqlara diqqət yetirməkdir. Milli komandaların oyunları üçün ayrılan bu fasilə başa çatdıqdan sonra Qranitlə birgə vəziyyəti yenidən qiymətləndirəcək və növbəti addımları müzakirə edəcəyik”, - deyə Knebels bildirib.
Namiq HUN
