Plastik fincandan paltar hazırlandı
ABŞ-də Lauren Çoy adlı gənc qadın atılmış plastik fincanlardan paltar hazırlayıb.
TodayPress TV xəbər verir ki, o, universitetdə oxuyarkən bu ideyanı düşünüb və 2020-ci ildə məzun olduqdan sonra “New Normal Collective” adlı brend yaradıb.
Layihənin məqsədi birdəfəlik fincanları israf etmədən yeni məhsullara çevirməkdir. Lauren xüsusi bir üsulla fincanlardan iplik hazırlayır və bu iplikdən sviter, papaq kimi geyimlər tikir. Geyimlər 3D toxuculuq texnologiyası ilə tikişsiz hazırlanır və ətraf mühitə az zərər verir.
Bu geyimlər təbii rənglidir, çünki rənglər fincanların öz rəngindən alınır.
Türkan İsgəndərli
