Dünyanın ən böyük çip fabriki inşa ediləcək
Amerikalı milyarder İlon Mask dünyanın ən böyük çip istehsalı zavodunu tikmək planlarını açıqlayıb.
TodayPress TV yerli KİV-ə istinadən xəbər verir ki, layihənin dəyəri ən azı 20 milyard dollar olacaq.
"Terafab" alı layihə Maskın digər müəssisələrini — "Tesla", "SpaceX" və "xAI"ni birləşdirəcək.
Tikinti işlərinə "Tesla"nın baş ofisinin yerləşdiyi Ostindəki "Advanced Technology Fab"da başlamaq planlaşdırılır.
Şirkət iki növ mikroçip istehsal edəcək. Birincisi, "Full Self-Driving" sistemində və "Optimus" robotlarında istifadə üçün, ikincisi isə kosmik layihələr üçün daha güclü çiplər olacaq.
Mask qeyd edib ki, çip təchizatçılarının hazırkı istehsal gücü onun şirkətlərinin gələcək ehtiyaclarını ödəmir.
Nicat Osmanlı
