Çinli alimlər "Starlink"ə qarşı mikrodalğalı silah hazırladılar

Çin SpaceX-in "Starlink" peykləri də daxil olmaqla, aşağı Yer orbitində yerləşən peyklərin fəaliyyətini poza bilən dünyanın ilk mikrodalğalı silahı — TPG1000C-ni hazırlayıb.

TodayPress TV  xəbər verir ki, bu barədə "South China Morning Post" (SCMP) qəzeti məlumat yayıb.

Bildirilir ki, silah bir dəqiqə ərzində 20 giqavatt gücündə impuls yarada bilir.

Cihazın uzunluğu 4 metr, çəkisi isə 5 tondur. O, yük maşınına, gəmiyə, təyyarəyə və ya peykə quraşdırıla bilər. Əvvəllər analoji sistemlər fasiləsiz olaraq cəmi bir neçə saniyə işləyə bilir və texniki baxımdan daha mürəkkəb hesab olunurdu.

TPG1000C sistemi bir dəqiqə ərzində 20 QVt gücündə impuls istehsal etdiyi halda, oxşar qurğular yalnız bir neçə saniyəlik fəaliyyət göstərə bilirdi.

Daha əvvəl BMT Təhlükəsizlik Şurasında çıxış edən Çin nümayəndəsi "Starlink"i milli təhlükəsizlik üçün təhdid kimi qiymətləndirmişdi.

Onun sözlərinə görə, SpaceX-in peyk sistemi hərbi kəşfiyyat məqsədləri üçün istifadə olunur.

Çin tərəfi, həmçinin 2021-ci ildə "Starlink" peyklərindən birinin Çin orbital stansiyasına təhlükəli dərəcədə yaxınlaşmasını və 2025-ci ilin dekabrında digər bir peykin parçalanması ilə bağlı hadisəni nümunə kimi göstərib.

Bundan əlavə, bəzi peyklərin “terrorçu və separatçı qruplar” tərəfindən istifadə edildiyi də iddia olunub.

Jalə Rövşən