Fransada Ferran Torres şousu: İspan hücumçu komandanı daşıyır!
“Pari Sen-Jermen” klubunun baş məşqçisi Luis Enrike Liqa 1-in V turunda “Marsel”ə qalib gəldikləri oyundan (2:1) sonra komandanın hücumçusu Ferran Torres haqqında fikirlərini bölüşüb.
TodayPress TV xəbər verir ki, bu barədə “L'Équipe” nəşri məlumat yayıb.
İspaniyalı futbolçu marsel səfərində qolla yadda qalıb.
“Heyətə cəlb etdiyimiz bütün futbolçulardan xüsusilə razıyam. Onlar inkişaf etməyimiz üçün çox vacib keyfiyyətlər gətirirlər. Ferran Torres inanılmaz formadadır, xüsusən hücumun mərkəzində çox güclü təsir bağışlayır və davamlı olaraq boş zonalar tapır. Vitinya, Beraldo, Fabian, Neveş, Uorren kimi ötürmə qabiliyyəti yüksək olan yarımmüdafiəçiləriniz varsa, bundan effektiv istifadə etmək lazımdır... Ferran karyerasının çox yaxşı mərhələsindədir və onun komandamızda olmasına şadıq”, - deyə Enrike bildirib.
Qeyd edək ki, 2026/2027-ci illər mövsümündə bütün turnirlər daxil olmaqla 6 matça çıxan Ferran Torres 7 qol vurub.
İspan hücumçu 2025/2026-cı illər mövsümünün yekunlarına əsasən nüfuzlu “Qızıl top” mükafatına namizədlər siyahısında yer alıb.
Namiq HUN
