Rusiyalı alim Kseniya Petrova ABŞ-yə Xenopus qurbağası embrionlarını icazəsiz gətirdiyi üçün 30 ilə qədər həbs və 500 min dollar cərimə ilə üzləşib.
TodayPress TV "Gazeta.ru"ya istinadən xəbər verir ki, o, hava limanında saxlanılıb və baqajında bəyan edilməmiş bioloji nümunələr aşkar edilib.
Qeyd edilir ki, ABŞ qanunlarına görə bütün bioloji nümunələr rəsmi icazə və gömrük bəyannaməsi olmadan gətirilə bilməz.
Xenopus qurbağaları laboratoriya tədqiqatlarında geniş istifadə olunur, lakin bəzi növləri invaziv sayılır və ekosistem üçün təhlükə yarada bilər.
Petrova əvvəlcə nümunələri daşıdığını inkar edib, sonra etiraf edib. Bu, işin ciddiliyini artırıb.
Qeyd edək ki, ABŞ-də sözügedən embrionlaı sinir və zəhərli maddələrə qarşı sınaqlarda və antidotların hazırlanmasında model kimi istifadə olunur.
Jalə Rövşən
TodayPress TV
