İlin ən parlaq kometi Günəşə yaxınlaşarkən məhv oldu
İlin ən parlaq kometlərindən sayılan "C/2026 A1" Günəşə yaxınlaşarkən parçalanaraq mövcudluğunu itirib.
TodayPress TV xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu məlumat yayıb.
Alimlərin bildirdiyinə görə, kometin tərkibindəki uçucu maddələr Günəşin tacında dağılıb. Ehtimal olunur ki, bəzi iri fraqmentlər ulduzun səthinə düşüb.
Həmçinin qeyd edilib ki, kometin toz quyruğunun bir hissəsi qoparaq Günəş tacına doğru sıxışdırılıb və yaxın zamanda tamamilə yox olacaq.
Mütəxəssislər əlavə ediblər ki, Günəşdə aktivlik hazırda orta səviyyədə olsa da, Yer kürəsi G1-G2 səviyyəli maqnit fırtınalarının təsiri altındadır.
Türkan İsgəndərli
