Hansı insanlar gənələri cəlb edir?

Bəzi insanlar gənələr üçün daha cəlbedici olur.

TodayPress TV xəbər verir ki, bunun əsas səbəbi onların bədən qoxusu və ifraz etdikləri karbon qazıdır.

Mütəxəssislərə görə, gənələr insan tərində olan ammonyak, süd turşusu və yağ turşuları kimi maddələrə cəlb olunur. Xüsusilə fiziki fəaliyyətdən sonra bədən qoxusu daha güclü olan insanlar gənələr üçün daha asan “hədəf” olur.

Eyni zamanda, nəfəs zamanı ifraz olunan karbon qazı da rol oynayır. Məsələn, idmandan sonra nəfəs sürətləndiyi üçün bu qazın miqdarı artır və bu da gənələri cəlb edə bilər.

Buna baxmayaraq, heç kim gənə sancmasından tam sığortalanmayıb. Riski azaltmaq üçün açıq rəngli və qapalı geyimlər seçmək, şalvarın balaqlarını ayaqqabının içinə salmaq tövsiyə olunur.

Həmçinin, qoruyucu vasitələrdən istifadə etmək və evə qayıtdıqdan sonra bədəni diqqətlə yoxlamaq vacibdir.

Türkan İsgəndərli

TodayPress TV