"Artemis II" astronavtları Ayın uzaq tərəfini aşkarladılar

NASA-nın "Artemis II" missiyası çərçivəsində Orion kosmik gəmisinin heyəti Ayın Yerə görünməyən uzaq tərəfini müşahidə edib. 

TodayPress TV xəbər verir ki, bu barədə Astronavt Kristina Koç "BBC"yə açıqlamasında bildirib.

Onun sözlərinə görə, gördükləri mənzərə adi Ay görüntüsündən fərqlənir.

NASA-nın məlumatına görə, kosmik gəmi artıq Yerdən 180 min mildən (təxminən 289 min km) çox uzaqlaşıb. Aprelin 3-də isə Orion tərəfindən çəkilmiş Yer kürəsinin ilk fotosu yayımlanıb. Şəkildə Yer aypara formasında görünür.

"Artemis II" missiyası aprelin 1-də start götürüb və bu, yarım əsrdən sonra astronavtların Aya ilk uçuşudur. Missiyanın əsas məqsədi gələcəkdə Ay səthinə enişi nəzərdə tutan "Artemis III" proqramına hazırlıqdır.

Qeyd edək ki, missiya əvvəlcə mart ayında planlaşdırılmışdı, lakin texniki səbəblərə görə təxirə salınıb. Aya eniş planları da dəyişdirilərək 2028-ci ilə keçirilib.

Türkan İsgəndərli

TodayPress TV