ABŞ laboratoriya üçün "başsız insan" yaratmaq istəyir
ABŞ-dən olan tədqiqatçılar, sahibkar investorların dəstəyi ilə, laboratoriya heyvanlarını "başsız insanlarla" əvəz etməyi planlayırlar.
TodayPress TV xəbər verir ki, bu barədə "Daily Mail" məlumat yayıb.
Jurnalistlərin bildirdiyinə görə, startap layihəsinin bir hissəsi olaraq alimlər anonim insan hüceyrələrindən yetişdirilmiş "orqan torbaları" yaratmaq niyyətindədir. Onlar bu torbalardan laboratoriya tədqiqatlarında istifadə etməyi planlaşdırırlar.
Eyni zamanda qeyd olunur ki, şirkətin əsas məqsədi heyvanları əzabdan xilas etməyə yönəlmiş humanist yanaşmadır. İnvestorlar isə bu inkişafın uzunömürlülük təbabətində də potensialı olduğunu görürlər.
Bir investor nəşrə bildirib: "Əgər insana bənzər, başsız, duyğusuz bir bədən yarada bilsək, bu, orqanlar üçün əla bir mənbə olardı."
İdeya ondan ibarətdir ki, "orqan torbaları"nda ən vacib insan orqanı – beyin yoxdur. "R3 Bio" (layihənin adı) artıq "başsız insanlar" yaratmaq texnologiyasına malikdir. Təcrübələr başsız siçanların yetişdirilməsində uğurla nəticələnib. Növbəti addım meymunlar, daha sonra isə insan hüceyrələrindən hazırlanmış "teloidlər" yetişdirməkdir.
Jalə Rövşən
