30 ildən sonra tapıldı: Uşaqkən itən qadın sağdır

ABŞ-də uşaqkən itkin düşən qadın 30 ildən sonra sağ tapılıb.

TodayPress TV xəbər verir ki, bu barədə “Daily Star” nəşri məlumat yayıb.

Məlumata görə, söhbət Kristina Mari Plant adlı qadından gedir. O, 1994-cü ildə Arizona ştatında 13 yaşında olarkən yoxa çıxmışdı.

Həmin dövrdə polis, könüllülər və yerli xidmətlərin iştirakı ilə geniş axtarışlar aparılsa da, nəticə əldə olunmamış və istintaq dalana dirənmişdi.

Qeyd olunur ki, o, itkin düşmüş uşaqlar üzrə milli bazaya daxil edilmiş və axtarış elanları digər ştatlarda da yayılmışdı.

İşdə dönüş nöqtəsi müasir texnologiyalar və yeni istintaq metodları sayəsində baş verib. Detektivlər yeni ipucları əldə edərək qadının sağ olduğunu müəyyən ediblər.

Hüquq-mühafizə orqanları hadisənin detalları barədə məlumat verməyib və bunu şəxsi həyatın qorunması ilə izah edib.

Qiymət Mahir