“Sumqayıt”a ağır itki: Kapitan uzun müddət komandaya kömək edə bilməyəcək
“Sumqayıt” futbol klubunun kapitanı Səbuhi Abdullazadə əməliyyat olunub.
TodayPress TV xəbər verir ki, bu barədə klubun mətbuat xidməti məlumat yayıb.
Əməliyyat uğurla başa çatıb. Futbolçunun təxminən 5 ay sonra yaşıl meydanlara qayıtması gözlənilir.
Qeyd edək ki, Abdullazadə Premyer Liqanın I turunda “Neftçi” ilə oyundan sonra zədələnib. Qırmızı vərəqə alan futbolçu meydanı tərk edərkən əli ilə dəhlizdəki şüşəni sındırıb. Nəticədə iri şüşə parçası onun ayağına düşərək ciddi xəsarət yetirib.
“Neftçi” həmin qarşılaşmada “Sumqayıt”ı 3:1 hesabı ilə məğlub edib.
Namiq HUN
TodayPress TV
