Torpağın altında min illik sirr: VİKİNG XƏZİNƏSİ tapıldı

Norveçdə iki həvəskar axtarışçı Vikinqlər dövrünə aid indiyədək aşkar edilmiş ən böyük xəzinəni tapıb.

TodayPress TV "Ancient Origins" xəbər verir ki, metal detektorlardan istifadə edən iki həvəskar Norveçdəki bir tarlada Viking dövrünə aid təxminən üç min gümüş sikkədən ibarət böyük bir xəzinə aşkar edib.

“Märstad xəzinəsi” adlandırılan bu tapıntı aprelin 10-da Rena kəndi yaxınlığındakı tarlada aşkarlanıb. Hazırda bu, Norveçdə indiyədək tapılmış ən böyük Viking dövrü xəzinəsi hesab olunur. Əvvəlki oxşar tapıntılarda iki mindən artıq sikkə qeydə alınmamışdı.

Digər bənzər xəzinələrdən fərqli olaraq, sikkələrin əksəriyyəti yerli deyil, xarici mənşəlidir. Onların arasında Æthelred II və Cnut the Great dövrünə aid ingilis penniləri, həmçinin Almaniya, Danimarka və erkən Norveç sikkələri var.

Xəzinə iki həvəskar xəzinə ovçusu — Vegard Serli  və Rune Saetre tərəfindən aşkar edilib. Onlar ilkin mərhələdə 19 sikkə tapsalar da, sonradan arxeoloqların araşdırmalara qoşulması ilə tapıntıların sayı xeyli artıb.

Mütəxəssislərin ilkin araşdırmalarına əsasən, sikkələr təxminən 980–1040-cı illərə aiddir. Ehtimal olunur ki, xəzinə təxminən 1047-ci ildə torpağa basdırılıb. Həmin dövrdə Norveç xarici valyutadan istifadədən öz milli sikkələrinin zərbinə keçid edirdi.

Norveç rəsmiləri bu kəşfi “milli və beynəlxalq əhəmiyyətli hadisə” kimi qiymətləndiriblər.

Jalə Rövşən 

TodayPress TV