"Qiyamət günü" radiostansiyası beş ildən sonra ilk dəfə sirli şifrələnmiş mesajı təkrarladı
"Qiyamət günü" radiostansiyası kimi tanınan "UVB-76" yenidən sirli mesaj yayımlayıb.
TodayPress TV-nin xəbərinə görə, bu barədə radiostansiyanın yayımlarını izləyən "UVB-76 Loqi" "Telegram" kanalı məlumat verib.
Şifrəli mesaj Bakı vaxtı ilə saat 11:56-da efirə verilib. Mesajda "şarfotol" sözü səsləndirilib.
Qeyd edək ki, bu, "UVB-76"nın həmin məzmunlu ilk yayımı deyil. "Şarfotol" sözü ilk dəfə təxminən beş il əvvəl - 2021-ci il avqustun 18-də radiostansiyanın efirində səsləndirilib.
Sirli yayımları ilə tanınan "UVB-76" radiostansiyasının ötürdüyü mesajların mənası indiyədək rəsmi şəkildə açıqlanmayıb və bu səbəbdən onlar müxtəlif fərziyyələrin mövzusu olaraq qalır.
