Papa Ukraynaya 100 min porsiya şorba göndərdi
Roma Papası XIV Leo Ukraynanın münaqişədən zərər çəkmiş bölgələrinə humanitar yardım məqsədilə 100 min porsiya şorba göndərib.
TodayPress TV xəbər verir ki, bu barədə Müqəddəs Taxt-Tacın mətbuat xidməti məlumat yayıb.
Bildirilib ki, humanitar yardım üç yük avtomobili ilə Ukraynaya çatdırılıb və yardıma su əlavə edildikdən sonra qidalandırıcı toyuqlu və tərəvəzli şorbalara çevrilən 100 min paket dehidratlaşdırılmış məhsul daxildir. Yardım əsasən tez-tez atəşə tutulan cəbhəyanı ərazilərdə paylanacaq.
