Fidan: "ABŞ İsrailin siyasətinə təsir edə bilmir"
Türkiyənin xarici işlər naziri Hakan Fidan bildirib ki, ABŞ-nin İsrailə təsiri göründüyü qədər güclü deyil.
TodayPress TV xəbər verir ki, o, bunu Misirin MBC Masr telekanalına verdiyi müsahibədə deyib.
Nazirin sözlərinə görə, son hadisələr ABŞ-nin Yaxın Şərqdə, xüsusilə İsrailin siyasətinə əvvəlki kimi yön verə bilmədiyini göstərir.
Fidan həmçinin vurğulayıb ki, Türkiyə regiondakı böhranların həlli üçün aktiv diplomatik səylər göstərir. O əlavə edib ki, prezident Rəcəb Tayyib Ərdoğan bu məsələlərə, xüsusən də Qəzzada baş verənləri dayandırmaq üçün beynəlxalq diplomatiyaya böyük vaxt ayırır.
Türkan İsgəndərli
