Azərbaycanlı hakim Avropa çempionatına təyinat aldı

FIFA referisi Kamal Umudlu UEFA-dan təyinat alıb.

TodayPress TV AFFA-nın saytına istinadən xəbər verir ki, o, 17 yaşadək futbolçulardan ibarət komandalar arasında Avropa çempionatının final mərhələsinin qrup oyununda fit sahibi olacaq. 

A qrupunda keçiriləcək Albaniya - Almaniya matçının baş hakiminə laysmanlar qismində finlandiyalı Olli Jantunen və xorvatiyalı Luka Pajic kömək edəcəklər. Dördüncü hakim funksiyasını xorvatiyalı Patrik Kolaric yerinə yetirəcək.

Qeyd edək ki, Kamal Umudlu Avropa çempionatının final mərhələsinə ehtiyat hakim kimi təyinat almışdı. Lakin yarışın ümumi siyahısında yer alan baş hakimlərdən biri zədələndiyindən, onu Umudlu əvəzləyib.

Namiq HUN