“Xərçəngdən güclüsən” layihəsi çərçivəsində müayinə olunan qadınların sayı açıqlandı
"Süd vəzi xərçəngi ilə “Xərçəngdən güclüsən” sosial layihəsi çərçivəsində 22 rayonda paralel şəkildə iki istiqamət üzrə mammoqrafiya müayinələri aparılıb".
TodayPress TV xəbər verir ki, bu sözləri TƏBİB-in Strateji inkişaf departamentinin Korporativ əməkdaşlıq şöbəsinin müdiri Nigar Rüstəmli deyib.
Onun sözlərinə görə, ümumilikdə 2 439 qadın mammoqrafiya müayinəsindən keçib:
“Artıq 22 rayondan 11-i üzrə nəticələrin ilkin təhlili aparılıb. 1 219 nəfərdən 386-sında BI-RADS 3, 51 nəfərdə isə BI-RADS 4 dərəcəli dəyişikliklər aşkarlanıb. BI-RADS (Breast Imaging Reporting and Data System) sistemi süd vəzi görüntülərinin beynəlxalq standart üzrə qiymətləndirilməsinə əsaslanır. BI-RADS 3 göstəricisi şübhəli, lakin çox zaman xoşxassəli dəyişikliklərə işarə edir və əlavə müşahidə tələb edir. BI-RADS 4 isə daha ciddi risk qrupuna aid olunur və əlavə diaqnostik testlərin aparılmasını zəruri edir".
Türkan İsgəndərli
