Mak Allisterdən şok iddia: “Qızıl top”u bir tək O haqq edir!
Argentina milli komandasının yarımmüdafiəçisi Aleksis Mak Allister “İnter Mayami”nin hücumçusu Lionel Messinin “Qızıl top”u qazanmalı olduğunu açıqlayıb.
TodayPress TV xəbər verir ki, o, bu barədə “ESPN”ə müsahibəsində bildirib:
“Şübhəsiz ki, bir argentinalı kimi Messinin “Qızıl top”u qazanmasını istərdik. O, inanılmaz bir dünya çempionatı keçirdi və bu mükafatı almaması üçün heç bir səbəb görmürəm. Aydındır ki, günümüzdə statistika böyük rol oynayır, hərçənd əvvəllər bu qədər əhəmiyyət kəsb etmirdi və insanların nəyə səs verdiyini də dəqiq bilmək olmur. Lakin bütün namizədlər möhtəşəm oyunçulardır və bu səviyyəyə yaxınlaşan hər kəs qələbəyə layiqdir.
Hamımız bilirik ki, Leo hər zaman komanda uğurlarını fərdi nailiyyətlərdən üstün tutub, buna görə də qazanmamaq onun üçün böyük problem olmazdı”.
Namiq HUN
