SEPAH-ın yüksək rütbəli generalı belə öldürüldü - TƏFƏRRÜATLAR
İranın cənub-şərqində silahlı şəxslərlə hərbçilər arasında baş verən toqquşmada SEPAH-ın briqada generalı Hüseyn Zərifi öldürülüb.
TodayPress TV xəbər verir ki, hadisə Sistan və Bəlucistan əyalətinin Saravan şəhərinin Cəhadabad bölgəsində baş verib.
Məlumata görə, Zərifi Saravandakı SEPAH-ın “Səccad” əməliyyat qərargahının komandiri olub. Toqquşma zamanı hərbi kəşfiyyatın əməkdaşı, “Səccad” qərargahının kəşfiyyat rəisi Əhməd Herati Zərayi də öldürülüb.
Toqquşma nəticəsində azı 13 hərbçinin ağır yaralandığı bildirilir.
Son həftələrdə Sistan və Bəlucistanda “Xalq Müqavimət Cəbhəsi” ilə təhlükəsizlik qüvvələri arasında qarşıdurmaların artdığı qeyd olunur.
Kübra Musayeva
