"Hizbullah"dan Livana XƏBƏRDARLIQ: İsraillə danışıqları dayandırın!
"Hizbullah" Livan hakimiyyətini İsraillə birbaşa danışıqlar aparmaqdan əl çəkməyə çağırıb və danışıqları “alçaldıcı” adlandırıb.
TodayPress TV xəbər verir ki, qrup Livanın cənubuna İsrailin hava zərbələrindən sonra verdiyi açıqlamada İsraili Livan vətəndaşlarına, evlərə və kənd təsərrüfatı ərazilərinə qarşı hücum kampaniyasını davam etdirməkdə ittiham edib.
"Hizbullah" bildirib ki, İsrailin eskalasiyası Baş nazir Benyamin Netanyahunun daxili siyasi mövqeyini gücləndirmək və seçki maraqlarına xidmət etmək üçün müharibəni intensivləşdirmək istəyini əks etdirir.
Qrup, həmçinin ABŞ-ni İsrailin maraqlarına xidmət edən danışıqlara doğru Livanı sövq etməkdə və İsrailə siyasi-hərbi dəstək verməkdə ittiham edib.
Bundan əlavə, Livan hakimiyyətini mövcud siyasətini davam etdirmək əvəzinə Livanın suverenliyini və hüquqlarını qorumaq üçün "hesablamalarını hərtərəfli nəzərdən keçirməyə" çağırış edilib.
Aysel Mətləb
