Qabığında çat olan yumurtanı yemək olar?
Mütəxəssislər xəbərdarlıq edirlər ki, qabığında çat və ya zədələnmə olan yumurtalar sağlamlıq üçün təhlükə yarada bilər və bu səbəbdən istifadə edilmədən atılmalıdır.
TodayPress TV xəbər verir ki, yumurta qabığı xarici təsirlərdən qoruyucu rol oynasa da, əslində, məsaməli quruluşa malikdir və mikroorqanizmlərin daxil olmasına şərait yarada bilər.
Qabığın görünən şəkildə zədələnməsi nəticəsində patogen mikroblar yumurtanın içinə keçir. Bu isə qida zəhərlənməsi və digər sağlamlıq problemlərinə səbəb ola bilər.
Bəzi hallarda isə, əgər çat çox kiçikdirsə, yumurtalar ehtiyatla istifadə oluna bilər. Lakin yumurtanın həm görünüşü, həm də qoxusu diqqətlə yoxlanmalıdır.
Türkan İsgəndərli
