FIFA referisi UEFA-dan təyinat aldı
Azərbaycanlı FIFA referisi Kamal Umudlu UEFA Gənclər Liqasının “Ordabası” (Qazaxıstan) – “Dinamo” (Minsk, Belarus) oyununun baş hakimi olacaq.
TodayPress TV xəbər verir ki, bu barədə AFFA məlumat yayıb.
Kamal Umudluya bu işdə laysmanlar Namik Hüseynov və Rəhman İmami kömək edəcək. 4-cü hakim funksiyasını isə qazaxıstanlı Saken Baiymbet yerinə yetirəcək.
Qeyd edək ki, sentyabrın 26-da Çimkənd şəhərinin “Namys” stadionunda keçiriləcək “Ordabası” – “Dinamo” görüşü Bakı vaxtı ilə saat 15:00-da başlayacaq.
Namiq HUN
