Almaniya futbolunda şok antirekord: Yurgen Klopp tarixin ən pisi oldu!
Yurgen Klopp UEFA Millətlər Liqasında Niderlandla heç-heçə (1:1) və Yunanıstana sensasion məğlubiyyətdən (0:1) sonra Almaniya milli komandasının baş məşqçiləri arasında tarixin ən pis start göstəricisini nümayiş etdirib.
TodayPress TV xəbər verir ki, bu barədə "Goal" nəşri məlumat yayıb.
Klopp Zepp Herberger (1937) və Helmut Şöndən (1965) sonra Almaniya yığmasının sükanı arxasında ilk iki rəsmi matçın heç birində qələbə qazana bilməyən üçüncü baş məşqçi olub.
Lakin Herberger və Şön öz debüt oyunlarında iki dəfə heç-heçə edərək aktivlərinə 2 xal yazdıra bilmişdilərsə, Kloppun rəhbərliyi altında "Bundestim" ilk iki oyundan sonra cəmi 1 xal toplaya bilib.
Qeyd edək ki, Almaniya millisi Millətlər Liqasındakı növbəti matçını oktyabrın 1-də "Münhen Arena"da Serbiya yığmasına qarşı keçirəcək.
Namiq HUN
