Azərbaycanda bu il 14 milyon tona yaxın neft hasil edilib
Bu ilin birinci yarısında Azərbaycanda 13,7 milyon ton neft (kondensatla birlikdə) hasil edilib.
Bu barədə Energetika Nazirliyindən TodayPress TV-yə verilən məlumata görə, hasilatın 8 milyon tonu “Azəri-Çıraq-Günəşli”nin, 1,9 milyon tonu (kondensat) “Şahdəniz”in, 0,3 milyon tonu (kondensat) “Abşeron” yatağının payına düşüb.
SOCAR üzrə neft (kondensatla birlikdə) hasilatı 3,5 milyon ton təşkil edib.
Məlumata görə, bu dövrdə 11,6 milyon ton neft (kondensatla birlikdə) ixraca nəql olunub. Bunun 9,9 milyon tonu konsorsiumların, 1,4 milyon tonu SOCAR-ın, 0,3 milyon tonu isə “Abşeron” yatağının payına düşüb.
