"Günay Bank" və "Muğan Bank"ın əmanətçilərinə qaytarılan vəsait açıqlandı
2023-cü ildə müflis elan olunmuş “Günay Bank” ASC və “Muğan Bank” ASC-nin qorunan əmanətçiləri üzrə əmanət sahiblərinə vəsaitlərinin müvafiq olaraq 98% və 97%-i qaytarılıb.
TodayPress TV xəbər verir ki, bu barədə Azərbaycan Mərkəzi Bankı məlumat yayıb.
Qeyd edilib ki, 30.12.2024-cü il tarixinə ləğv prosesində olan “Günay Bank” ASC üzrə 2 209 nəfər əmanətçiyə 34.3 mln. manat, ləğv prosesində olan “Muğan Bank” ASC üzrə isə 7 689 nəfər əmanətçiyə 199 mln. manat məbləğində kompensasiya ödənilib.
