Gəncədə rekord təkrar yox, yeniləndi: Tribunalarda 15 min insan!
Azərbaycan Premyer Liqasının cari mövsümünün IV turunda tamaşaçı rekordu yenilənib.
TodayPress TV Peşəkar Futbol Liqasına istinadən xəbər verir ki, yeni rekord göstərici “Kəpəz” – “Şamaxı” (1:4) matçında qeydə alınıb.
Gəncə şəhər stadionunda baş tutan qarşılaşmanı 15 000 tamaşaçı canlı izləyib.
Xatırladaq ki, bundan əvvəlki rekord III turda yenə Gəncə şəhər stadionunda keçirilən “Kəpəz” – “Turan Tovuz” görüşündə qeydə alınmışdı. Həmin matçı tribunalardan 13 500 azarkeş izləmişdi.
Namiq HUN
