İndoneziyada 6-sı uşaq olmaqla 11 nəfər yanaraq öldü -VİDEO
İndoneziyanın Mərkəzi Papua əyalətinin Paniai rayonunda bazar ərazisində baş verən güclü yanğın nəticəsində 11 nəfər həlak olub. Ölənlərdən 6-sı uşaqdır.
TodayPress TV yerli KİV-ə istinadən xəbər verir ki, hadisə Bapouda kəndində gecə saatlarında baş verib.
Təxminən saat 00:25-də başlayan yanğın sıx yerləşən dükan və evlərə sürətlə yayılıb. Nəticədə 40-a yaxın tikili tamamilə yanıb, 20 nəfər isə xəsarət alıb.
Yanğın saat 03:30 radələrində nəzarətə alınıb. Ölənlərin nəşi Paniai xəstəxanasına yerləşdirilib.
Hadisənin dəqiq səbəbi hələlik müəyyən edilməyib.
Faktla bağlı araşdırma aparılır.
Jalə Rövşən
