Ferstappen batareya olmadan sürməyin üstünlüyünü qeyd etdi

Maks Ferstappen Nürburqrinqdə keçirilən NLS2 mərhələsində qazandığı poul mövqeyindən sonra “Formula-1” ilə bu seriya arasındakı fərqlər barədə danışıb.

TodayPress TV xəbər verir ki, bu barədə “Autosport” nəşri məlumat yayıb.  

“Burada, ən azı, batareyanı izləmədən limitdə sürmək mümkündür”, – deyə o bildirib.

Maks Ferstappen “Verstappen Racing” komandasında “Mercedes-AMG GT3” ilə çıxış edir. Onun komanda yoldaşları Daniel Hunkadella və Jules Gounondur.

Sıralama turunda niderlandlı pilot 7:51.751 nəticə göstərərək ən yaxın rəqibini təxminən 2 saniyə qabaqlayıb.

Bu iştirak Maks Ferstappen üçün mayın sonunda keçiriləcək Nürburqrinq 24 saat yarışına hazırlığın bir hissəsidir. NLS2 mərhələsi xüsusi olaraq təqvimdə dəyişdirilib ki, “Formual-1” üzrə 4 qat dünya çempionu Çin və Yaponiya mərhələləri arasında bu yarışda iştirak edə bilsin.

Namiq HUN

TodayPress TV