Azərbaycanın kapoeyra nüfuzu artır: mütəxəssis beynəlxalq kursa rəhbərlik etdi
Ümumdünya Kapoeyra Federasiyasının (WCF) təşkilatçılığı ilə Türkiyənin Samsun şəhərində beynəlxalq hakimlik kursu keçirilib.
TodayPress TV xəbər verir ki, bu barədə Azərbaycan Kapoeyra Federasiyası (AKF) məlumat yayıb.
Bildirilib ki, hakimlik kursuna AKF-nin vitse-prezidenti Elgiz Əlizadə rəhbərlik edib.
Onun kurs və seminarların rəhbəri təyin olunması beynəlxalq səviyyədə peşəkarlığına və təcrübəsinə göstərilən yüksək etimadın göstəricisi kimi qiymətləndirilib. Bu təyinat Azərbaycan kapoeyrasının beynəlxalq səviyyədə tanınması və ölkənin Ümumdünya Kapoeyra Federasiyasındakı rolunun daha da gücləndirilməsi baxımından mühüm addım hesab olunur.
Kursda müxtəlif ölkələrdən nümayəndələr iştirak ediblər. Təlim çərçivəsində beynəlxalq hakimlik sistemi, yarış qaydaları və qiymətləndirmə meyarları ilə bağlı nəzəri və praktiki məşğələlər keçirilib.
Namiq HUN
FOTOLAR
