Pakistan İran-ABŞ danışıqlarını yenidən canlandırır? - Möhsün Nəqvi Tehrandadır
Pakistanın daxili işlər naziri Möhsün Nəqvi iranlı rəsmilərlə danışıqlar aparmaq üçün Tehrana səfər edib.
TodayPress TV xəbər verir ki, bu səfər, İslamabadın İran və ABŞ arasında dayandırılmış danışıqları yenidən canlandırmağa çalışıb-çalışmadığı ilə bağlı sualların artdığı bir vaxta təsadüf edir.
İranın "ISNA" xəbər agentliyi bu səfəri ikitərəfli səfər kimi qiymətləndirib və qeyd edib ki, Nəqvi bu həftə artıq iki dəfə Qırğızıstanın Bişkek şəhərində Şanxay Əməkdaşlıq Təşkilatına üzv ölkələrin daxili işlər nazirlərinin iclası çərçivəsində İranın daxili işlər naziri İskəndər Mömıni ilə görüşüb.
Bu səfər, Pakistanın vasitəçiliyi ilə aparılan İran-ABŞ danışıqlarının hər iki tərəfi anlaşma memorandumuna yaxınlaşdıran aylarla davam edən diplomatik fəallıqdan sonra, son həftələrdə çıxılmaza girməsi fonunda baş tutur.
Xatırladaq ki, Nəqvi ötən ay da İrana səfər etmiş, daha sonra isə onu Pakistanın quru qoşunları komandanı, general Asim Munir izləmişdi.
Aysel Mətləb
