Türkiyədə fabrikdə qida zəhərlənməsi şübhəsi - çox sayda işçi təsirləndi
Türkiyənin Ordu şəhərində tekstil fabrikinin 21 işçisi zəhərlənmə şübhəsi ilə xəstəxanaya yerləşdirilib.
TodayPress TV xəbər verir ki, Ulubəy rayonunda fəaliyyət göstərən tekstil fabrikində çalışan işçilərdən bəziləri nahar etdikdən bir müddət sonra özlərini pis hiss etməyə başlayıblar.
Hadisə barədə daxil olan məlumat əsasında əraziyə polis və Təcili Tibbi Yardım briqadaları cəlb olunub.
Şəhərin müxtəlif xəstəxanalarına çatdırılan 21 işçi qida zəhərlənməsi şübhəsi ilə müalicə altına alınıb.
