Tramp Hindistanın Baş naziri ilə danışdı - Kritik müzakirə
ABŞ Prezidenti Donald Tramp Hindistanın Baş naziri Narendra Modi ilə telefon danışığı aparıb.
TodayPress TV xəbər verir ki, bu barədə Modi “X” hesabında paylaşım edib.
O bildirib ki, Tramp ilə söhbət zamanı ticarət, müdafiə, enerji, kritik texnologiyalar və digər sahələrdə ikitərəfli əməkdaşlıq müzakirə olunub. Tərəflər, həmçinin regional və beynəlxalq məsələlər, o cümlədən qlobal sülh və təhlükəsizliyin təmin olunması istiqamətində davam edən səylər barədə fikir mübadiləsi aparıblar.
Kübra Musayeva