ABŞ İraqdan ÇIXDI - "Uğursuz qərarlar bizi bu bataqlığa çəkdi"

ABŞ Prezidenti Donald Tramp "Sarsılmaz qətiyyət" əməliyyatını "cəhənnəmə çox baha başa gələn ekskursiya" adlandıraraq sonuncu Amerika qoşunlarının İraqdan çıxarıldığını təsdiqləyib.

TodayPress TV xəbər verir ki, bu barədə o, "Truth Social"da yazıb.

"Bu gün böyük sevinclə sonuncu Amerika qüvvələrinin İraqı tərk etdiyini elan edirəm. Bu, uzun vaxt apardı və əvvəlcə bizi bu bataqlığa son dərəcə uğursuz qərarlar cəlb etmişdi, lakin tezliklə bütün bunlar tarixin bir hissəsinə çevriləcək", - deyə lider bildirib.

Onun sözlərinə görə, Amerika qoşunlarının çıxarılması "ABŞ və İraqın qələbəsini, İŞİD-in isə məğlubiyyətini" simvolizə edir:

"Çoxlu silahın və digər hər şeyin qoyub gedildiyi, 13 hərbi qulluqçunun həlak olduğu və bir çoxunun yaralandığı Əfqanıstandan fərqli olaraq, koalisiya qüvvələrinin və texnikasının Ərbildəki aviabazadan bu mütəşəkkil çıxarılması cəhənnəmə çox baha başa gələn ekskursiyanın başa çatması deməkdir".

Aysel Mətləb