Qəddafi rejiminin qaranlıq tərəfi: Atadan oğullarına "ikinci əl qadın" hədiyyələri - FOTOLAR
Liviyanı 42 il boyunca idarə edən Müəmmər Qəddafi və ailəsi haqqında ortaya çıxan faktlar rejim dövründə insanlıqdan kənar dəhşətlərin yaşandığını gözlər önünə sərir.
TodayPress TV xəbər verir ki, fransız jurnalist Annik Kojanın "Qəddafinin Hərəmxanası" (Gaddafi's Harem) kitabı və "BBC"nin təqdim etdiyi sənədli filmlərdə yer alan faktlar, rejimin daxili mexanizmlərini ifşa edib.
"Amazonlar" əfsanəsinin arxasındakı həqiqət
Qəddafinin xarici səfərlərdə müşayiət olunduğu və Qərb mediası tərəfindən "Amazonlar" adlandırılan qadın mühafizəçilər haqqındakı həqiqətlər 2011-ci ildə rejimin süqutundan sonra bəlli olub. Onların əslində diktatorun cinsi kölələri və gənc qızları ovlamaqla vəzifələndirilmiş vasitəçilər olduğu ortaya çıxıb. Qeyd olunur ki, bu dəstə məktəbləri gəzərək 14-15 yaşlı qızları axtarır, onları qaçırır və ailələrini ölüm və ya həbslə hədələyərək susdururdu.
İnsan alveri və ailə daxili şəbəkə
Açıqlanan məlumatlara görə, Qəddafi tərəfindən saxlanılan və istismar edilən bu qadınlar sonradan diktatorun oğullarına (Hannibal, Səədi və Mütəssim Qəddafi) və sadiq generallara verilirdi. Qurbanların bir çoxu ailə üzvləri və kəşfiyyat rəisləri arasında müxtəlif vaxtlarda ötürülərək rejim daxilində systematlaşdırılmış istismara məruz qalıblar.
Məlumata əsasən, Hannibal Qəddafi kimi bəzi ailə üyələri də oxşar şəbəkələr quraraq yeni qurbanlar toplayır və onları atasının hərəmxanasına təqdim edirdilər.
Siyasi şantaj və mənəvi basqı vasitəsi
Qəddafinin bu üsuldan yüksək rütbəli generallar və nazirlərin sadiqliyini təmin etmək üçün istifadə etdiyi bildirilir. Mühafizəkar ərəb cəmiyyətində kişiləri özünə tam tabe etmək və şantaj altında saxlamaq məqsədilə rəsmilərin ailə üyələri də bu təzyiqlərin hədəfi olub.
İnsan hüquqlarının pozulması və psixoloji nəticələr
Rejimin nəzarətində olan qadınların hamilə qaldıqları təqdirdə qeyri-insani şəraitdə aborta məcbur edildikləri və bu əməliyyatlar zamanı həyatını itirənlərin cəsədlərinin gizlədildiyi qeyd olunur. Rejim çökməndən sonra azad olan və ya qaçan qadınların bir çoxu isə cəmiyyət tərəfindən qəbul edilməyərək əlavə təzyiqlərlə üzləşib.
Türkan İsgəndərli
