Putin milyarderləri "tasa oturtdu": Bağlı qapı arxasında hədə-qorxunun maliyyəti...

Rusiya oliqarxları Prezident Vladimir Putinlə qapalı görüşdən sonra Ukraynadakı müharibə üçün 220 milyard rubl həcmində “könüllü ianə” ediblər.

TodayPress TV xəbər verir ki, bu barədə “Electronic Budget” portalının məlumatlarına istinadən “Expert” nəşri yazıb.

Məlumata görə, bu məbləğ ilin sonunadək bu kateqoriya üzrə gözlənilən 1,7 milyard rubl gəlirdən təxminən 130 dəfə çoxdur.

Nəşr bildirir ki, bu “könüllü ödənişlərin” səbəbi martın 26-da Vladimir Putinin iri biznes nümayəndələri ilə keçirdiyi qapalı görüş olub.

İddialara görə, həmin görüşdə Putin Ukraynaya qarşı müharibəni davam etdirmək niyyətində olduğunu açıqlayıb və biznes dairələrindən əlavə maliyyə dəstəyi tələb edib.

Məlumatda qeyd olunur ki, ayrılan vəsaitlər büdcədə ianələr kimi rəsmiləşdirilib.

Rusiya hakimiyyəti və ya Kremlin nümayəndələri yayılan məlumatlara hələlik rəsmi münasibət bildirməyiblər.

Qiymət Mahir