Qazaxıstanda itkin düşən helikopterin qalıqları tapıldı
Qazaxıstanda itkin düşən "Eurocopter EC-145" hərbi helikopterinin qalıqları tapılıb.
TodayPress TV xəbər verir ki, bu barədə Qazaxıstan Fövqəladə Hallar Nazirliyi məlumat yayıb.
Məlumata görə, kosmik monitorinq zamanı Almatı vilayətindəki Sorbulak gölündə neftə bənzər ləkə aşkarlanıb. Hadisə yerinə dərhal xilasedicilər göndərilib və axtarışlar gecə boyu davam etdirilib.
Baxış zamanı Qazaxıstan Hava Hücumundan Müdafiə Qoşunlarına məxsus olduğu ehtimal edilən helikopterin parçaları aşkar olunub. Hazırda ərazidə xilasedicilər işləyir. Axtarışlara xüsusi texnika, əks-səda ölçən cihazlar, pilotsuz uçuş aparatları və sualtı dronlar da cəlb olunub.
Türkan İsgəndərli
