Pakistanda güclü yağış faciə ilə nəticələndi: 54 ölü, 227 yaralı
Son 24 saat ərzində Pakistanda yağıntı ilə bağlı baş verən qəzalar nəticəsində azı 54 nəfər həlak olub, 227 nəfər isə xəsarət alıb.
TodayPress TV xəbər verir ki, bu barədə ölkənin Milli Fəlakətlərin İdarəolunması Agentliyi (NDMA) məlumat yayıb.
Qəzaların əksəriyyəti şərqi Pəncab əyalətində baş verib. Güclü yağış və külək fırtınası bölgəni bürüyüb.
Agentliyin məlumatına görə, yağış genişmiqyaslı dağıntılara səbəb olub. Ən ağır vəziyyət Lahor və Faysalabad rayonlarında müşahidə edilib. Ölüm hallarının böyük hissəsi divar və damların uçması nəticəsində baş verib.
Qiymət Mahir
