NAD+ molekulu qocalmanı ləngidə bilər

Beynəlxalq tədqiqatçılar NAD+ molekulunun qocalma və yaşla bağlı xəstəliklərdə mühüm rol oynadığını açıqlayıb.

TodayPress TV xəbər verir ki, bu barədə "Nature Aging" jurnalında dərc olunan geniş icmalda bildirilib.

Araşdırmaya görə, NAD+ hüceyrələrdə enerji istehsalı, DNT-nin bərpası və maddələr mübadiləsinin tənzimlənməsində əsas rol oynayır. Lakin yaş artdıqca bu molekulun səviyyəsi azalır və bu, yaddaşın zəifləməsi, əzələ gücünün azalması və Alzheimer, Parkinson kimi xəstəliklərin riskinin artması ilə əlaqələndirilir.

Alimlər qeyd edir ki, NAD+ səviyyəsinin artırılması qocalma prosesini ləngidə bilər. Bu məqsədlə ən çox araşdırılan maddələr nikotinamid ribozid (NR) və nikotinamid mononukleotid (NMN) hesab olunur.

Erkən klinik tədqiqatlarda bu maddələrin qəbulunun yaddaşın, fiziki aktivliyin və metabolik göstəricilərin yaxşılaşmasına səbəb olduğu müşahidə edilib.

Bununla belə, mütəxəssislər vurğulayır ki, bu nəticələrin təsdiqi üçün daha geniş və uzunmüddətli tədqiqatlara ehtiyac var.

Alimlər həmçinin bildirir ki, bu sahədə hələ çoxlu suallar qalır və effektiv, təhlükəsiz müalicə üsullarının hazırlanması üçün beynəlxalq əməkdaşlıq və ciddi klinik sınaqlar vacibdir.

Qiymət Mahir