Sarayevoda Azərbaycan zəfəri: Xüsusi olimpiyaçılarımızdan 5 medal!
Azərbaycan Respublikası Xüsusi Olimpiya Komitəsinin atletləri Bosniya və Herseqovinanın paytaxtı Sarayevoda keçirilən Xüsusi Olimpiya Açıq Cüdo Turnirində böyük uğura imza atıblar.
TodayPress TV xəbər verir ki, cüdoçularımız beynəlxalq yarışı ümumilikdə 1 qızıl, 2 gümüş və 2 bürünc medalla tamamlayıblar.
Turnirin yeganə qızıl medalını G-10 divizionunda bütün rəqiblərini üstələyərək fəxri kürsünün ən yüksək pilləsinə qalxan Kamran Quliyev qazanıb.
G-2 divizionunda mübarizə aparan Sadiq Nəzirov və kata yarışlarında çıxış edən Adilə Niftəliyeva turnirin gümüş medallarına sahib olublar.
A.Niftəliyeva, həmçinin G-24 divizionunda bürünc medala yiyələnib. Komandamızın aktivinə ikinci bürünc medalı isə G-7 divizionunu 3-cü sırada başa vuran Yusif Nəsirli yazdırıb.
Namiq HUN
FOTOLAR
