İran Kaliforniyanı öz ərazisi elan etdi - Trampa “şillə” kimi cavab

İran ABŞ Prezidenti Donald Trampın Hörmüz boğazını “ABŞ-nin yeni ərazisi” kimi göstərən xəritə paylaşımına cavab verib.

TodayPress TV xəbər verir ki, İranın Hindistanın Heydərabad şəhərindəki konsulluğu ABŞ xəritəsini paylaşaraq Kaliforniya ştatını mavi rənglə işarələyib və onu “İran İslam Respublikasının yeni ərazisi” kimi təqdim edib.

Paylaşımın Trampın Hörmüz boğazı ilə bağlı açıqlamasına istehzalı cavab olduğu bildirilir.

Qeyd edək ki, Tramp daha əvvəl Hörmüz boğazını “ABŞ-nin yeni ərazisi” kimi göstərən xəritə yayımlamışdı. İran tərəfi isə bu iddianı rədd edib və paylaşımı istehza ilə qarşılayıb.

Kübra Musayeva