NBA ulduzu Karri yeni mövsümə kökləndi: “Hər şeyə yenidən başlamaq istəyirəm”

NBA-in dördqat çempionu və uzun illərdir “Golden State Warriors” klubunun lideri olan Stefen Karri yeni mövsümün başlanmasını səbirsizliklə gözlədiyini bildirib.

TodayPress TV xəbər verir ki, bu barədə “Fadeaway World” portal məlumat yayıb.

“Mən həyəcanlıyam. Mövsümlərarası fasilənin qalan hissəsindən səmərəli istifadə edirik. Özümə gəldikdə isə, bu oyunu oynamaq imkanına sahib olduğum üçün şanslıyam. Özümü yaxşı hiss edirəm və mövsümlərarası hazırlıq dövrünü məhsuldar keçirirəm.

Sentyabr gələndə ümid edirəm ki, mövsümün sonunda möhtəşəm bir uğuru qeyd edəcəyik”, – deyə Karri gözləntilərini açıqlayıb.

Namiq HUN