Şey Gilces-Aleksanderin 40 xalı “Oklahoma”nı finala yaxınlaşdırdı
ABŞ Milli Basketbol Assosiasiyasında (NBA) pley-off mərhələsinin yarımfinalında “Oklahoma Siti Tander” səfərdə “Minnesota Timbervulvz”u 128:126 hesabı ilə məğlub edərək seriyada hesabı 3:1-ə yüksəldib.
TodayPress TV xəbər verir ki, Minneapolis şəhərindəki “Target Center”də keçirilən görüşdə Şey Gilces-Aleksanderin 40 xalı “Oklahoma”ya qələbə qazandırıb.
Kanadalı oyun qurucu qarşılaşmanın ən məhsuldar oyunçusu olub.
O, 40 xalla yanaşı, 10 asist və 9 ribaundla da yadda qalıb. Onun komanda yoldaşı Ceylen Uilyams da 34 xalla seçilib.
Minnesotanın heyətində ən məhsuldar oyunçu 23 xalla Nikil Aleksander-Uolker olub.
Namiq HUN
